Azərbaycanın güllə atıcısı Ruslan Lunyov İspaniyanın Qranada şəhərində keçirilən ISSF Qran-Pri turnirində qızıl medal qazanıb. Sport24.az xəbər verir ki, 33 yaşlı idmançı 10 metr məsafəyə pnevmatik tapançadan atəş açmada bütün rəqiblərini üstələyərək yarışın baş mükafatına sahib çıxıb.
Bu yerdə bildirək ki, Lunyov bu il Sloveniya və Xorvatiyada keçirilən analoji turnirlərdə müvafiq olaraq qızıl və gümüş medal qazanmışdı.
