Peşəkar boksda debüt edəcək sabiq UFC çempionu Frensis Nqannu hələ də özünə rəqib tapa bilməyib. Sport24.az xəbər verir kİ, kamerunlu əlcək ustası ilk döyüşünü WBC versiyası üzrə superağır çəkidə dünya çempionu Tayson Fyuriyə qarşı keçirmək istəyir.
O, sosial şəbəkə vasitəsilə britaniyalıya “əlcək atıb”: “Tayson, həmişə burda olmuşam. Nədənsə heç bir boksçu mənimlə döyüşmək istəmir. Gəl, bunu ikimiz birgə təşkil edək!”.
Xatırladaq ki, Nqannu mayın 16-da PFL boks proumoşeni ilə müqavilə imzalayıb. Karyerası ərzində 20 dəfə oktaqona çıxan Nqannu 17 dəfə qələbə qazanıb, 3 görüşdə isə məğlub olub. Fyuri isə leçirdiyi 34 döyüşün 33-də qalib gəlib, bir görüş isə heç-heçə başa çatıb.
