Keçirdiyi bütün görüşlərdə qalib gələn Tayson Fyuri Entoni Coşua ilə döyüşmək istədiyini dilə gətirib. Sport24.az xəbər verir ki, WBC versiyası üzrə britaniyalı dünya çempionu həmyerlisi ilə sentyabrda qarşılaşmaq arzusundadır: “Bir neçə gün əvvəl Entoni Coşuaya müqavilənin qaralamasını göndərdim və ona sentyabr ayında “Uembli”də qarşılaşmaq təklifini etdim. Bütün dünya bu qarşıdurmanı izləmək istəyir. Ey Cey, gəl, dünyaya bu sevinci bəxş edək. Bu dəfə milyon video çəkib təzyiq yaratmayacam. Bu dəfə top sənin tərəfdədi”.
Xatırladaq ki, ötən il Fyuri ilə Coşua döyüşün təşkili ilə bağlı danışıqlar aparsa da, bu heç bir nəticə verməmişdi.
