"Qarabağ"ın sabiq futbolçusu Redon Cica ölkəsinə qayıtmağa çox yaxındır. Sport24.az xəbər verir ki, bu barədə Albaniya mətbuatında xəbərlər dərc olunur.
27 yaşlı hücumçu sabiq komandası "Tirana"dan təklif alıb. O, yenidən bu klubda oynamağa müsbət yanaşır.
Qeyd edək ki, 2023-cü ilin yanvarında "Qarabağ"a keçən Redon Cica ötən ilin yayında "köhlən atlar"dan ayrılaraq Əlcəzair təmsilçisi "SSPA Şabab Riadi Beluizdad"a keçib. O, 3 dəfə Azərbaycan çempionu adını qazanıb, 1 dəfə ölkə kubokunun qalibi olub. Cica 2021-2023-cü illərdə "Tirana"da çıxış edib.
