D divizionunun 2-ci qrupunda yer alan Azərbaycan millisi bu gün UEFA Millətlər Liqasında növbəti oyununu keçirəcək. Sport24.az xəbər verir ki, Ayxan Abbasovun baş məşqçisi olduğu komanda səfərdə Lixtensteynlə qarşılaşır.
Vaduz şəhərindəki, "Rheinpark Stadionu"nda baş tutacaq görüşün start fiti Bakı vaxtı ilə saat 23:45-də səslənəcək.
Tərəflər arasında Bakıda baş tutan ilk qarşılaşmada qalib müəyyənləşməyib - 0:0
Qeyd edək ki, hazırda aktivində 5 xal olan Azərbaycan yığması qrupda ilk pillədə qərarlaşıb. Litva 4 xalla 2-ci, Lixtenşteyn isə 3 xalla sonuncudur.
UEFA Millətlər Liqası
D divizionu, qrup 2
IV tur
23:45. Lixtenşteyn - Azərbaycan
Hakimlər: Kristo Tohver, Silver Koiv, Sander Saqa, Yonas Yanovits (hamısı Estoniya)
VAR: Marko Liva (Estoniya)
AVAR: Yuri Frişer (Estoniya)
Vaduz. "Rheinpark Stadionu"
Lixtenşteyn: Benjamin Büxel (k), Severin Şlegel, Maks Heppel, Yens Hofer, Marsel Büxel, Emanuel Tsünd, Alessio Hasler, Fabio Luke-Notaro, Aron Zele, Livio Mayer, Alessandro Lo Russo.
Baş məşqçi: Konrad Fünfştük.
Azərbaycan: Emil Balayev, Rahil Məmmədov, Bədavi Hüseynov (k), Rəhman Daşdəmirov, Qismət Əliyev, Rüfət Abbasov, Abdulla Xaybulayev, Oruc Məmmədov, Aleksey İsayev, Toral Bayramov, Mahir Emreli.
Baş məşqçi: Ayxan Abbasov.
