Misli Premyer Liqasının VIII turunun oyunlarını stadionlardan izləyən azarkeşlərin sayı bəlli olub. Sport24.az xəbər verir ki, turun 6 qarşılaşmasında ümumilikdə 30 800 tamaşaçı qeydə alınıb.
Ən çox azarkeş "Kəpəz" – "Zirə" matçında (1:1) olub. Gəncə şəhər stadionunda keçirilən görüşü 13 800 fanat izləyib.
"Qarabağ" – "Neftçi" derbisində (3:3) isə tribunada 13 500 tamaşaçı əyləşib.
Digər qarşılaşmalarda qeydə alınan tamaşaçı sayı belə olub:
"Şamaxı" – "Şəfa" (3:2) – 1 200,
"Sumqayıt" – "Araz-Naxçıvan" (2:1) – 1 200,
"Qəbələ" – "Sabah" (0:4) – 750,
"İmişli" – "Turan Tovuz" (1:0) – 350.
Qeyd edək ki, Misli Premyer Liqasının IX turuna oktyabrın 23-də start veriləcək.
