“Sürətli oyun nümayiş etdirdik. Görüş ərzində düzgün qərarlar verdik. Hər iki hissədə rəqibi təzyiq altında saxladıq". Sport24.az xəbər verir ki, bu fikirləri Slovakiya millisinin kapitanı Milan Şkrinyar UEFA Millətlər Liqasının 5-ci turunda ötən gün yığmamıza uduzduqları oyun (1:2) haqda danışarkən deyib.
Milan "İnter"inin müdafiəçisi matçboyu millimizdən üstün olduqlarını vurğulayıb: "Nəticə məyusedici idi. Topa nəzarət bizdə oldu. Bu, işimizə yarayırdı. Artıq meydanın rəqibə aid olan hissəsində topu qazanırdıq. İkinci hissədə çox yaxşı oyun göstərdik. Lakin ümumilikdə nəticə məyusedicidi”.
