Futbol üzrə Azərbaycan İİ Liqasında 7-ci turun son qarşılaşmaları keçirilib. Sport24.az xəbər verir ki, turun sonuncu oyun günündə azarkeşlər bol qollu matçlara şahidlik ediblər.
Günün ən böyükhesablı qələbəsini "Dinamo" qazanıb. Komanda öz meydanında "Kür-Araz"ın qapısından keçirdiyi 9 qolla rəqibini darmadağın edib – 9:1. Günün digər qarşılaşmasında "Marafon" "Ağdaş" üzərində 5:0 hesablı inamlı qələbə əldə edib. "Şəmkir" və "Hypers" komandalarının duelində isə qalib müəyyənləşməyib – 2:2.
Azərbaycan İİ Liqası
VII tur
15:00. "Şəmkir" – "Hypers" 2:2
Qollar: E. Xəlilli,10, T. Mütəlimov, 90 (pen.) – C.Əsədzadə,17, C. Rəcəbli, 61
Hakimlər: Elçin Abdullayev, Elvin Mədətov, Ağadur Mahmudov, Rauf Salamov.
Hakim-inspektor: Əmrah İbrahimov.
AFFA nümayəndəsi: Eldəniz Musayev.
Şirvan. Olimpiya İdman Kompleksinin stadionu.
15:00. "Dinamo" – "Kür-Araz" 9:1
Qollar: V.Seyidov, 4, 52 (pen.), Y.Qarayev, 30, 56, Z.Bayramov, 45+2, 81, N.Muradlı, 47, A.Nurəhmədov, 72, 89 – H.Abdullayev, 33 (pen.)
Hakimlər: Hacıağa Həsənov, Hüseyn Vəliyev, Tural Bayramov, Kamil Aydınov.
Hakim-inspektor: Munis Abdullayev.
AFFA nümayəndəsi: Törə Əhmədova.
Binə qəsəbə stadionu.
15:00. "Marafon" – "Ağdaş" 5:1
Qollar: İ.Allahverdiyev, 29, 33, 85, Ə.Ələkbərli, 50, 63
Hakimlər: Mehdi Yusifov, Cavid Ömərov, Əhməd Əhmədsoy, Nəriman Ağayev.
Hakim-inspektor: Ceyhun Haşımov.
AFFA nümayəndəsi: Bəhram Qurbanov.
Sabirabad. "Marafon Arena".
Qeyd edək ki, yeddinci turun əvvəlki oyunlarında "Qaradağ Lökbatan" səfərdə "Ağstafa Gəncləri"ni 2:1, "Difai" doğma meydanda "Şəki"ni 4:1, "Zəngəzur" isə "Şirvan"ı 1:0 hesabı ilə məğlub edib.
