Bu gün keçiriləcək iki oyunla Misli Premyer Liqasında 21-ci tura start veriləcək. Sport24.az xəbər verir ki, günün ilk qarşılaşmasında turnir cədvəlində qonşu olan komandalar üz-üzə gələcək.
Hazırda aktivində 35 xal olan "Zirə" üçüncü, ondan 1 xal qalan "Turan Tovuz" isə dördüncü pillədə qərarlaşıb. Hər iki komanda üçün bu oyunun əhəmiyyəti böykdür. "Qartallar" qalib gələcəyi təqdirdə ilk "üçlük"də yerini bir qədər də möhkəmləndirəcək. "Boz qurdlar" 3 xal qazanacağı halda isə qəsəbə təmilçisini geridə qoyaraq 3-cü yerə yüksələcək.
Qeyd edək ki, "Azersun Arena"da keçiriləcək matçın start fiti saat 17:00-da səslənəcək.
Misli Premyer Liqası
II dövrə, XXI tur
17:00. "Turan Tovuz" - "Zirə"
Hakimlər: Rəvan Həmzəzadə, Cəmil Quliyev, Teymur Teymurov, Əkbər Əhmədov
VAR: Kamranbəy Rəhimov
AVAR: Müslüm Əliyev
Hakim-inspektor: Feyzulla Feyzullayev
AFFA nümayəndəsi: İlham Əliyev
Bakı. "Azersun Arena".
