Misli Premyer Liqasının 28-ci turuna Sumqayıtda yekun vurulacaq. Sport24.az xəbər verir ki, şəhərin eyniadlı təmsilçisi "doğma divarlar" arasında "Qəbələ"ni qonaq edir.
Meydan sahibləri son 10 oyunda qələbə üzünə həsrət qalıb. "Kimyaçılar" bu uğursuzluğa məhz "qırmızı-qaralar"la matçda son qoymaq istəyir. Qonaqlar isə hazırda 19 xalla turnir cədvəlinin 11-ci pilləsində qərarlaşıb. Kaxaber Tsxadadzenin komandası düşmə zonasından uzaqlaşmaq istəyir və bu üzdən Sumqayıt səfərindən xal və xallarla qayıtmağı planlaşdırır.
Qeyd edək ki, 29-cu turun oyunlarına aprelin 25-də start veriləcək.
Misli Premyer Liqası
III dövrə, XXVIII tur
18:00. "Sumqayıt" - "Qəbələ"
Hakimlər: Vüqar Həsənli, Teymur Teymurov, Tərlan Talıbzadə, Rəvan Həmzəzadə
VAR: Kamranbəy Rəhimov
AVAR: Əkbər Əhmədov
Hakim-inspektor: Feyzulla Feyzullayev
AFFA nümayəndəsi: Erkin Hüseynov
Sumqayıt. Mehdi Hüseynzadə adına şəhər stadionu.
