"Milli komandanın formasını geyinmək böyük şərəfdir". Bu sözləri Sport24.az-a "Zirə" klubunda çıxış edən Azərbaycan millisinin futbolçusu Qismət Alıyev deyib.
29 yaşlı cinah müdafiəçisi DÇ-2026-nın seçmə mərhələsində keçirəcəkləri ilk oyunlarla bağlı fikirlərini bölüşüb:
"Qarşıdan vacib iki oyun gəlir. İlk olaraq İslandiya ilə qarşılaşacağıq. Bu komanda son illərdə çox inkişaf edib. Heyətlərində yaxşı klublarda çıxış edən oyunçular var. Digər rəqibimiz Ukrayna isə son Avropa çempionatının iştirakçısıdır. Hər iki qarşılaşmada yaxşı mübarizə aparıb xalqımızı sevindirməyə çalışacağıq".
Qeyd edək ki, milli sentyabrın 5-də Reykyavikdə İslandiya və sentyabrın 9-da Bakıda Ukrayna yığmaları ilə üz-üzə gələcək.
