Vermontda (ABŞ) məktəblilər arasında baş tutan basketbol matçında 60 yaşlı kişi vəfat edib. Sport24.az xəbər verir ki, hazırda polis faciəni araşdırmaqla məşğuldu.
Hadisə Olburqda 7 və 8-ci sinif şagirdləri arasında keçirilən görüş zamanı baş tutub. Dava parketə hücum çəkən azarkeşlər arasında baş tutub. Yaxşı ki, məktəblilər hadisəni kənardan izləyiblər. Dava iştirakçılarından biri xəsarət alsa da, tibb məntəqəsinə üz tutmaq əvəzinə evinə yollanıb.
Yolda halı pisləşən azarkeş təcili yardım çağırsa da, xəstəxanaya çatmamış dünyasını dəyişib. Hələlik ölümün səbəbi məlum deyil.
