"Beşiktaş"ın hücumçusu Duşan Vlahoviç sıradan çıxıb. Sport24.az xəbər verir ki, futbolçu Serbiya milli komandasının düşərgəsində zədələnib.
Bu barədə "HT Spor" məlumat yayıb.
Vlahoviç 3 həftə yaşıl meydanlardan uzaq qalacaq. 26 yaşlı forvard ölkəsinin UEFA Millətlər Liqasında Yunanıstan (24 sentyabr), Niderland (27 sentyabr, 4 oktyabr) və Almaniya ilə (1 oktyabr) keçirəcəyi matçlarda iştirak etməyəcək.
Qeyd edək ki, Duşan Vlahoviç yayda "Yuventus"dan ayrıldıqdan sonra azad agent statusu ilə "Beşiktaş"a keçib. O, İstanbul təmsilçisinin heyətində meydana çıxdığı 7 rəsmi matçda 1 qol vurub.
