MBA-da həftənin ən yaxşı basketbolçuları müəyyənləşib. Sport24.az xəbər verir, “Finiks Sanz”ın müdafiəçisi Devin Buker Qərb konfransında, “Nyu-York Niks”in forvardı Culius Rendl isə Şərq Konfransında həftənin ən dəyərli oyuçusu adını qazanıb.
“Finiks”in müdafiəçisi ötən həftə keçirdiyi 3 oyuna orta hesabla 36 xal, 7,7 ötürmə və 5,3 ribaundla yadda qalıb. Bu oyunların hamısında da Arizona klubu qalib gəlib. Rendl isə ötən 7 gün ərzində 29,5 xal, 8,3 ribaund və 4,8 məhsuldar ötürmə ilə diqqət çəkib. “Nyu-York” isə bu görüşlərdə 4 qələbə qazanıb.
Xatırladaq ki, “Finiks” Qərb Konfransında 36 qələbə ilə 4-cü sırada qərarlaşıb. “Nyu-York isə 39 qələbə ilə Şərqdə 5-ci pillədədir.
