"Ağır çəkidə problemlər olurdu. Amma indi bütün çəkilərdə çıxış edən güləşçilərimiz özlərini yaxşı tərəfdən göstərir. Sadəcə hər bir idmançı üzərində işləmək lazımdır ki, onlarda özlərinə inam yaransın və nəticə versinlər". Bu sözləri Sport24.az-a açıqlamasında sərbəst güləş üzrə yığma komandamızın məşqçisi Arif Abdullayev deyib.
Sərbəst güləş üzrə yığmanın heyətində yerli idmançıların üstünlük təşkil etməsindən danışan mütəxəssis bunun faydasını görmələrinə toxunub: "Bir neçə il əvvəllə müqayisə edəndə legionerlər çox idi. Amma indi yerli gənc idmançılar təşkil edir. Onlar da yavaş-yavaş artırırlar. Dağıstanda təlim-məşq toplanışında olduq. Nəticədə rəqabətli məşqlər daha çox xeyir verir".
KAMAL RZA
