Futzal üzrə Yüksək Liqada bu gün VII turun oyunları keçirilib. Sport24.az xəbər verir ki, tura mərkəzi oyunla start verilib. Lider ötən mövsümün gümüş medalçısı ilə üz-üzə gəlib. Katatau və Ülvi Əliyev qırmızı vərəqə cəzalısı olduğuna görə, müvafiq olaraq hər biri öz komandasına kömək edə bilmirdi.
Oyuna nominal meydan sahibləri fəal başlasa da, hissənin ortaları son çempion üçün arzuolunmaz keçdi. Namiq Məmmədkərimov 3 dəqiqə ərzində het-trik etməklə komandasına üstünlük qazandırdı. 17-ci dəqiqədə isə Amadeunun səhvi Eminin Məmmədkərimovu aşkar qol vurmaq imkanından məhrum etməyə məcbur etdi və nəticədə təcrübəli qolkiper qırmızı vərəqə aldı. İkinci hissəyə “Araz-Naxçıvan” qolla başaldı. Amadeunun zərbəsi qarşısıalınmaz oldu. Müdafiəçi 2 dəqiqə sonra fərqi minimuma endirdi. İsa isə status-kvonu bərpa etdi. Oyunda bərabərlik növbəti dəfə 27-ci dəqiqədə pozuldu. Məmmədkərimov qol vurdu. Amma təcrübəli hücumçu sevincini rəqib texniki zonası qarşısında qeyd etməklə qarşı tərəfi mübahisəyə cəkdi və buna görə də ikinci sarı-qırmızı vərəqə alaraq meydanı erkən tərk etməli oldu. 36-cı dəqiqədə “Neftçi” qapıçını da meydan oyunçusu ilə əvəzləyən “Araz-Naxçıvan”ı meydanın mərkəzinə dəvət etdi. Beləliklə son çempion cari mövsümdə ilk yenilgisi ilə barışmalı oldu.
Turun ikinci oyunu da gərgin keçdi. Hesabı açan “Yasamal Bakı” sonradan rəqibin status-kvonu bərpa etməsinə mane ola bilməsə də, sonra yaxın yenidən üstünlük qazanmmağı bacardı və mövsümdə ikinci qələbəsini aktivinə yazdırdı. Son dueldə isə “Baku Fire” böyükhesablı qələbə qazandı.
Yüksək Liqa
7-ci tur
“Araz-Naxçıvan” – “Neftçi” İK 3:6
Qollar: Amadeu, 20:42, 22:43, İsa Atayev, 23:07, Vahib Xocayev, 30:03 // Namiq Məmmədkərimov, 9:47, 10:24, 11:36, 26:30, Fərid Atakişiyev, 36:00
Hakimlər: Knyaz Əmiraslanov, Əli Cəbrayılov, Hacıəli Ağayev
Hakim-inspektor: Murad Məmmədov
11 noyabr. Olimpik Star. Saat 13:30
“Record” – “Yasamal Bakı” 1:2
Qollar: Mojtaba Vali, 33:16, Hossein Şahbandi (məşqçi), 38:59 // Fuad Məmmədzadə, 7:53, Rüstəm Bağırov, 38:25
Hakimlər: Hikmət Qafarlı, Rza Məmmədov, Məmmədəli Kərimov
Hakim-inspektor: Elçin Səmədli
11 noyabr. Olimpik Star. Saat 15:30
U-19 – “Baku Fire” 1:11
Qollar: İlham Alıyev, 31:15 // Oktay Rüstəmli, 2:20, Kənan Manafov, 9:22, 31:42, 33:29, Nihad İsmayılov, 10:25, Tofiq Mikayılov, 12:25, 24:23, İmaməli Hüseynov, 18:49, Tofiq Əliyev, 27:26, Tofiq Əliyev, 36:52, Nurlan Məmmədov, 37:08
Hakimlər: Anar Fərəcov, Elgün Hüseynov, İmran Məhərrəmov
Hakim-inspektor: Mehman Mahmudov
11 noyabr. Olimpik Star. Saat 17:30
