"Kollektivdə əhval-ruhiyyə yaxşıdı. Hansı turnirdə ölkəmizi təmsil edəcəyimizi hamı yaxşı anlayır. Bu, böyük məsuliyyətdi. Ölkənizi Avropa çempionatında təmsil etmək xoşdu". Sport24.az xəbər verir ki, bu sözləri futzal üzrə Gürcüstan milli komandasının baş məşqçisi Avtandil Asatiani deyib.
Bu gün Niderlandda keçiriləcək Avropa çempionatının D qrupunun ilk oyununda Azərbaycanla qarşılaşacaq gürcülərin çox çətin qrupda yer aldıqlarını söylyəib: Əlimizdən gələni etməliyik ki, növbəti mərhələyə vəsiqə qazanaq. Azərbaycan millisi yetərincə güclüdü. Bilirik ki, rəqibimiz əsas heyətlə bizimlə mübarizə aparacaq. Ancaq daha çox öz komandam barədə düşünürəm. Azərbaycan millisində kiminsə oynamayacağını və bunun bizə kömək olacağını düşünməməliyik".
