Zamiq Əliyevin formasını geyindiyi "Eqnatiya" Albaniya Superkubokunu qazanıb. Sport24.az xəbər verir ki, Rrqojine klubu həlledici qarşılaşmada "Kukeşi" ilə qarşılaşıb.
2023/2024 mövsümündə Albaniya çempionu olub və ölkə kubokuna sahib çıxan "Eqnatiya" Superkubokda da qələbə qazanıb. Zamiqin komandası kubokun finalında olduğu kimi bu dəfə də "Kukeşi"ni məğlub edib - 2:0.
Zamiqin adı iştirak ərizəsinə daxil edilsə də, o, Superkubokun finalında meydana çıxmaq şansı qazanmayıb.
