"Fiorentina"nın qapıçısı, "Mançester Yunayted"in sabiq üzvü David de Xea "qırmızı şeytanlar"ın hazırkı baş məşqçisi Maykl Kerrikin işini yüksək qiymətləndirib. Sport24.az xəbər verir ki, "TNT Sports"a açıqlama verən ispan qolkiper "Mançester Yunayted"in Çempionlar Liqasına vəsiqə qazanmaq şanslarını da dəyərləndirib:
"Kerrik inanılmaz işlər görür. O, əla oğlandır, oyunçuları yaxşı başa düşür və onunla ünsiyyət qurmaq asandır. "Mançester Yunayted" hazırda bir çox oyunda qələbə qazanır, yaxşı da futbol oynayır. Ümid edirəm ki, onlar Çempionlar Liqasına vəsiqə qazana və inkişaflarını davam etdirə biləcəklər. Komandanın yenidən yüksək mövqedə və kuboklar uğrunda mübarizə aparacağını görmək istərdim".
"Mançester Yunayted" hazırda İngiltərə Premyer Liqasının turnir cədvəlində 55 xalla üçüncü yerdədir. Komandanın növbəti oyunu aprelin 13-də "Lids"ə qarşı olacaq.
