"Beşiktaş"la müqaviləsi iyunun sonunda başa çatan Ersin Destanoğlu gələcəyi ilə bağlı qərarını verib. Sport24.az xəbər verir ki, türkiyəli qapıçı İstanbul klubunu tərk edəcək.
Bu barədə "Milleyet" nəşri məlumat yayıb.
Ersin klubun yeni sözləşmə təklifini qəbul etməyəcək. 25 yaşlı qolkiper karyerasını Avropada davam etdirməyi planlaşdırır.
Qeyd edək ki, Ersin Destanoğlu "Beşiktaş"ın yetirməsidir. Türkiyə millisinin üzvü başa çatan mövsümdə "ağ-qaralar"ın heyətində 32 rəsmi matçda meydana çıxıb.
