"Barselona"nın yarımmüdafiəçisi Rodri "Real"ın onu transfer etmək üçün ciddi cəhdlər göstərdiyini açıqlayıb. Sport24.az xəbər verir ki, İspaniyalı futbolçu "COPE"-yə açıqlamasında Madrid klubunun onunla birbaşa danışıqlar apardığını bildirib:
"Real" məni transfer etmək üçün həqiqətən çox çalışdı. Məni istəyirdilər, birbaşa danışıqlarımız oldu və bu keçidin reallaşması üçün əllərindən gələni etdilər. Qərarımı çətinləşdirdilər. Buna görə minnətdaram. Florentino Pereslə də danışmışam? Buna cavab verməyəcəyəm".
Rodri "Real"a keçməməsinin səbəbini də açıqlayıb:
"Joze Mourinyo mənimlə əlaqə saxladı, məni komandasında görmək istəyini və futbol fəlsəfəsini bölüşdü. Bu, məni çox cəlb etdi. O, möhtəşəm məşqçidir. Lakin daha sonra "Barselona"ya keçmək qərarına gəldim. Bu, sırf idman baxımından verilmiş qərar idi. Burada daha çox inkişaf edə biləcəyimi düşündüm".
Rodri "Barselona"nın Lamin Yamalın "Qızıl top"a layiq olduğunu düşünməsinə də münasibət bildirib:
"Bunu başa düşürəm. "Barselona" Laminin "Qızıl top"u qazanmağa layiq olduğunu düşünür və bunda heç bir problem yoxdur".
O, "Qızıl top"un namizədləri arasında yer almayan Pedrinin siyahıda olmalı olduğunu da vurğulayıb:
"Pedri orada olmalı idi. O, ötən il dünyanın ən yaxşı futbolçularından biri idi".
Rodri Barselonanın baş məşqçisi Hans-Diter Flikin çalışma metodlarından da danışıb:
"Bu, Qvardiolanın metodlarından tamamilə fərqlidir. Zalda çox, çox ağır məşq edirik. Bu, məni təəccübləndirdi. Pepin fəlsəfəsinə görə oyun keçirmək sənə ritm qazandırır. Hansi isə məsələyə fərqli baxır".
Rodri ötən dövrdə onu ən çox təəccübləndirən futbolçunun Rafinya olduğunu bildirib:
"Rafinya inanılmaz səviyyədədir. Onun dünya çempionatının ən yaxşı 30 futbolçusu arasında olmamasını başa düşmək çətindir".
İspaniyalı yarımmüdafiəçi braziliyalı hücumçu ilə söhbətini də xatırlayıb:
"Ona dedim ki, Lidsdə vinger idin! İndi 9 nömrə mövqeyində oynamağı sevirsən, elə deyilmi? O isə cavab verdi: Əvvəlcə xoşuma gəlmirdi, amma indi bunu sevirəm".
Rodri 2026-cı ilin "Qızıl top" mərasimində ilin ən yaxşı məşqçisi mükafatının Luis de la Fuenteyə verilməli olduğunu da deyib:
"Mükafatı Luis de la Fuenteyə verin. O, inanılmaz iş gördü və qalib gəlməyə layiqdir".
