"Real"In futbolçudu Franko Mastantuono karyerasını İtaliya A Seriyasında davam etdirəcək. Sport24.az verir ki, "Fiorentina" argentinalı vingeri icarəyə götürüb.
Bu barədə klubun mətbuat xidməti məlumat yayıb.
18 yaşlı oyunçu 2026/27 mövsümündə Florensiya təmsilçisinin formasını geyinəcək. Klublar arasındakı anlaşmada satınalma bəndi yer almayıb.
Qeyd edək ki, "Real" Franko Mastantuononu 2025-ci ilin yayında "River Pleyt"dən 45 milyon avroya transfer edib. Argentina millisinin üzvü "kral klubu"nun heyətində meydana çıxdığı 35 rəsmi matçda 3 qol vurub.
