"Neftçi"nin sabiq kapitanı Voyislav Stankoviç özünə yeni komanda tapıb Sport24.az xəbər verir ki, 36 yaşlı müdafiəçi karyerasını Serbiyada davam etdirəcək.
O, Serbiya aşağı liqasında mübarizə aparan "Teleoptik"la anlaşıb.
Qeyd edək ki, müdafiəçi karyerası ərzində "Dinamo"(Vranye), "OFK Beoqrad", "Partizan", "İnter"(indiki "Şamaxı"), "Qəbələ", "Neftçi" klublarının formasını geyinib. O, son olaraq, Serbiya Superliqasında çıxış edən "Jelezniçar"ın şərəfini qoruyub.
