UEFA Millətlər Liqasında IV tura start verilib. Sport24az xəbər verir ki, turnir çərçivəsində müxtəlif liqalar üzrə IV turun ilk matçları keçirilib.
D Liqasında mübarizə aparan milli komandamız 8KM qəsəbə stadionunda Litvanı Abdullax Xaybulayevin yeganə qolu ilə 1:0 hesabı ilə məğlub edərək vacib 3 xal qazanıb. Liqanın digər matçında Malta öz evində Andorranı eyni hesabla üstələyib (1:0).
A Liqasında Portuqaliya öz evində Norveçə, Niderland isə Serbiyaya 2:1 hesabı ilə qalib gəlib. Danimarka səfərdə Uelsi 1:0 hesabı ilə məğlub edib, Yunanıstan – Almaniya görüşündə isə qapılara qol vurulmayıb (0:0).
B Liqasında keçirilən hər iki qarşılaşmada – Kosovo – Avstriya və İrlandiya – İsrail oyunlarında 1:1 hesablı bərabərlik qeydə alınıb.
Qeydə alınan nəticələr:
UEFA Millətlər Liqası
IV tur
A Liqası
Yunanıstan – Almaniya 0:0
Niderland – Serbiya 2:1
Qollar: Tön Kopmeyners, 31, Coşua Zirkzee, 72 – Mixaylo Tsvetkoviç, 35
Portuqaliya – Norveç 2:1
Qollar: Joao Kanselo, 38, Qonsalo Ramos, 79 – Kristoffer Ayer, 36
Uels – Danimarka 0:1
Qol: Rasmus Hoylund, 75 (pen.)
B Liqası
Kosovo – Avstriya 1:1
Qollar: Fisnik Asllani, 70 – Kristof Lanq, 85
İrlandiya – İsrail 1:1
Qollar: Troy Parrott, 39 (pen.) – Dor Peretz, 47
D Liqası
Malta – Andorra 1:0
Qol: Teddi Teuma, 49
Azərbaycan – Litva 1:0
Qol: Abdullax Xaybulayev, 25
