Fransanın paytaxtı Parisdə Dieqo Armando Maradonanın saçından ibarət bir tutam, eləcə də, braziliyalı hücumçu Ronaldonun 1998-ci il dünya çempionatının finalında Fransa millisi ilə oyunda geyindiyi forma hərraca çıxarılıb. Sport24.az xarici KİV-ə istinadən xəbər verir ki, qəribə də olsa, onların heç biri satılmayıb.
Maradonanın saçları üçün tender 35 min avrodan başlayıb, Ronaldonun köynəyi isə bir qədər baha, 40 min avroya qiymətləndirilib. Lakin heç kim onları almayıb.
Qeyd edək ki, Dieqo Maradona 2020-ci il noyabrın 25-də vəfat edib, Ronaldo isə Braziliya Futbol Federasiyasının rəhbəri vəzifəsinə namizədliyini irəli sürüb.
