İngiltərənin "Mançester Yunayted" klubu ciddi itki ilə üzləşib.
Sport24.az xəbər verir ki, Premyer Liqa nəhənginin yarımmüdafiəçisi Kristian Eriksen uzun müddətə sıradan çıxıb.
Bu barədə "qırmızı şeytanlar"ın rəsmi saytı məlumat yayıb. Xəbərdə bildirilir ki, danimarkalı futbolçu İngiltərə Kubokunun 1/16 final mərhələsi çərçivəsində baş tutan “Ridinq”lə matçda (3:1) ağır zədə alıb. Endi Kerolun zədələdiyi futbolçu topuğundan aldığı xəsarət səbəbindən uzun müddət yaşıl meydanlardan kənarda qalacağı bildirilir. Eriksenin apreldən tez oynaya bilməyəcəyi açıqlanıb.
Eriksen bu mövsüm “Mançester Yunayted”in heyətində 31 oyuna çıxıb, 2 qola imza atıb.
