Premyer Liqa təmsilçisi "Lids" tarixinin ən bahalı transferini reallaşdıra bilər. Sport24.az "Mirror"a istinadən xəbər verir ki, İngiltərə klubu Portuqaliyanın "Sportinq" komandasında çıxış edən Usman Diomandeni heyətinə qatmaq istəyir.
Mənbənin sözlərinə görə, "Lids" 22 yaşlı futbolçu üçün Portuqaliya klubuna 35 milyon funt-sterlinq və əlavə bonuslar şəklində daha 8 milyon funt ödəməyə hazırdır. Bu keçid ümumilikdə 43 milyon funt-sterlinqə başa gələ bilər ki, bu da "Lids" tarixinin ən baha transferi kimi qeydə alınacaq.
Qeyd edək ki, Usman Diomande 2023-cü ildə Danimarkanın "Midtyulland" klubundan "Sportinq"ə transfer olunub. İstedadlı oyunçu Lissabon təmsilçisi ilə müqaviləsinin müddətini bu ilin yanvarında uzadıb.
