Futbol üzrə İngiltərə milli komandasının və “Çelsi”nin sabiq yarımmüdafiəçisi Co Koul karyerasını bərpa edib. Sport24.az xəbər verir ki, bu barədə 40 yaşlı futbolçu “instagram” hesabında məlumat yayıb. Koul 11-ci divizion təmsilçisi “Belston” klubuna keçib.
Yarımmüdafiəçi yeni komandasında ilk oyununa da çıxıb. O, “Belston”un “Herfild Yunayted”i 2:1 hesabıyla məğlub etdiyi matçda iştirak edib.
Co Koul İngiltərədə “Çelsi”, “Liverpul”, “Vest Hem”, “Aston Villa” kimi klublarda çıxış edib. Yarımmüdafiəçi İngiltərə yığmasında 56 oyunda 10 qol vurub.
2018-ci ildə futbolçu karyerasını bitirdiyini açıqlayan Koul, “Çelsi”nin gənclərdən ibarət komandasında məşqçilik edir.
