"Fənərbaxça"nın futbolçusu Oğuz Aydın İstanbulda klubunu dəyişə bilər. Sport24.az xəbər verir ki, "Beşiktaş" türkiyəli vingeri transfer etmək istəyir.
Bu barədə "A Spor" televiziyası məlumat yayıb.
"Qara qartallar" artıq Oğuz üçün rəsmi təklif göndərib. Transferlə bağlı qərarı 25 yaşlı oyunçunun klubu verəcək.
Qeyd edək ki, Oğuz Aydın 2024-cü ilin yayından "Fənərbaxça"da çıxış edir. Türkiyə millisinin üzvü 2025/26 mövsümündə İstanbul təmsilçisinin heyətində meydana çıxdığı 39 rəsmi matçda 4 məhsuldar ötürmə ilə yadda qalıb.
