"Beşiktaş"dan ayrılan Ersin Destanoğlunun yeni klubu məlum olub. Sport24.az xəbər verir ki, türkiyəli qolkiper karyerasını Birləşmiş Ərəb Əmirliklərində davam etdirəcək.
Destanoğlu "Əl-Cəzirə" ilə anlaşıb. Bu barədə klubun mətbuat xidməti məlumat yayıb. 25 yaşlı qapıçı ilə imzalanan müqavilənin detalları açıqlanmayıb.
Qeyd edək ki, Ersin Destanoğlu 2025/26 mövsümündə "Beşiktaş"ın heyətində meydana çıxdığı 32 rəsmi matçda qapısında 34 qol görüb.
