FİFA 2027-ci ildə Braziliyada keçiriləcək qadınlar arasında dünya çempionatının vaxtını açıqlayıb. Sport24.az xəbər verir ki, bu barədə qurumun saytı məlumat yayıb.
FİFA-nın şurası turnirin 2027-ci il iyunun 24-dən iyulun 25-dək keçiriləcəyini təsdiqləyib.
Qeyd edək ki, yarışda 32 komanda iştirak edəcək. Onlardan 28-i seçmə mərhələlər vasitəsi ilə turnirə vəsiqə qazanacaqlar. Braziliya ev sahibi olduğu üçün mundialda birbaşa iştirak hüququ əldə edib. Digər 3 iştirakçının adına isə pley-off oyunlarında aydınlıq gələcək.
