Səudiyyə Ərəbistanının ''Skill Challenge Entertainment'' promouşen şirkətinin üzvü Əmir Abdulla Aleksandr Usiklə Tayson Fyuri arasında baş tuta biləcək mümkün döyüşdən danışıb. Sport24.az xəbər verir ki, bu yaxınlarda bu şirkət ukraynalı boksçu ilə əməkdaşlıq müqaviləsi imzalayıb.
Abdullanın fikrincə, Fyuri əvvəlcə sentyabrda, sonra oktyabrda çıxış edə bilsə, ardından dekabrda döyüşməyə razılıq versə, böyük məmnuniyyətlə ona təklif irəli sürəcəkıər: "Usikin promouteri bildirmişdi ki, Fyuriyə yaxın günlərdə təklif göndəriləcək. Bu, bonuslarla bağlı təklifdi. Fyuri karyerası ilə nəyə layiqdisə, ona həmin pulu təklif edəcəyik. Heç vaxt yalan vəd vermirik. Ortada çox böyük bir məbləğ olacaq. Çünki nəyin bahasına olursa-olsun, bu maraqla gözlənilən döyüşü təşkil etmək istəyirik''.
