2-ci orta (76 kq-a qədər) çəkidə dəfələrlə dünya çempionu olmuş, hazırda ekspert kimi çalışan sabiq britaniyalı boksçu Karl Froç həmyerlisi Entoni Coşua ilə Aleksandr Usik arasında baş tutan ilk görüş haqda danışıb. Sport24.az xəbər verir ki, 2021-in sentyabrında baş tutan həmin döyüşdə ukraynalı boksçu hakimlərin yekdil qərarı ilə qalib gəlmişdi.
Froçun fikrincə, Coşuanın məğlubiyyətinin çox qısa və sadə izahı var: "O, öz məşqçisi Rob Makkrakenin dediklərinin heç birini etmirdi. Məsləhətlərə qulaq asmırdı. Münasibətləri pozulduğu üçün Rob onu revanş döyüşünə hazırlamadı. Makkrakenlə dost münasibətlərdəyik və tez-tez söhbət edirik. Düzdü, bu mövzuda dediklərini tam olaraq açıqlaya bilmərəm. Yalnız onu deyə bilərəm ki, Coşua onu dinləmirdi. Məşqdə qaçmaq və sparrinq görüşlər keçirmək istəmirdi. Halbuki, bunlar döyüşə hazırlıq prosesinin əsasını təşkil edir. Bunlar olmadan lazımi səviyyədə hazırlaşmaq mümkün olmur''.
