“Səbail” növbəti transferini həyata keçirib. Sport24.az saytının əldə etdiyi məlumata görə, paytaxt klubu argentinalı yarımmüdafiəçi Franko Mazureki heyətinə qatıb.
Artıq 29 yaşlı futbolçu ilə rəsmi müqavilə imzalanıb. “Dənizçilər”in bu transferi tezliklə rəsmən açıqlaması gözlənilir.
Mazurekin son iş yeri Kipr “Etnikos”u (Axna) olub. O, daha öncə AEL (Limassol), “Panetolikos”, “Levski” (Sofiya), “Palestino”, “Kolon de Santa Fe”, “All Boys”, “Olmedo”, “Boka Xuniors” və “Krusero del Norte” kimi klubların da formasını geyinib.
