"Qarabağ" və Norveçin "Molde" klubu arasında Bakıda keçiriləcək Avropa Liqasının qrup mərhələsinin I turunun oyunu üçün indiyədək satılmış biletlərin sayı bəlli olub. Ağdam təmsilçisinin mətbuat katibi Anar Hacıyevin Sport24.az-a verdiyi məlumata görə, indiyədək 19 min bilet alınıb.
Sentyabrın 21-də saat 20:45-də Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 40 və 100 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 200 manatdı.
Onu da bildirək ki, rəqib azarkeşləri doğma komandalarına dəstək vermək üçün Bakıya gəlməyib.
