Bu gün keçiriləcək 2 oyunla Misli Premyer Liqasında 7-ci tura yekun vurulacaq. Sport24.az xəbər verir ki, sonuncu oyun günündə daha 2 qarşılaşma baş tutacaq.
Günün ilk görüşü Yevlaxda keçiriləcək. Ev oyunlarını bu rayonda keçirən "İmişli" "Qarabağ"ı qəbul edir. Heç şübhəsiz ki, oyunun favoriti Ağdam təmsilçisidir. Qurban Qurbanovun komandası bu gün qələbə qazanacağı halda xallarının sayını 16-ya çatdıracaq və bir oyun az keçirməsinə baxmayaraq, liderlər qrupunda yoluna davam edəcək. Nominal meydan sahibləri isə sürprizə imza atıb meydandan qələbə ilə ayrılacağı təqdirdə turnir cədvəlində dünən qələbə qazanan "Sumqayıt"ı keçərək 8-ci yerdə qərarlaşacaq.
Qeyd edək ki, oyunun start fiti saat 16:00-da səslənəcək.
Misli Premyer Liqası
I dövrə, VII tur
16:00. "İmişli" - "Qarabağ"
Hakimlər: Elvin Bayramov, Pərvin Talıbov, Eyyub İbrahimov, Ruslan Quliyev
VAR: Vüqar Həsənli
AVAR: Zöhrab Abbasov
Hakim-inspektor: Orxan Məmmədov
AFFA nümayəndəsi: Azər Əsgərov
Yevlax. Şəhər stadionu.
