Bu gün qış hazırlıq prosesini davam etdirən "Sumqayıt" və "Araz-Naxçıvan" komandaları arasında yoxlama oyunu keçiriləcək. Sport24.az xəbər verir ki, görüş Mehdi Hüseynzadə adına Sumqayıt şəhər stadionunda oynanılacaq.
Matç saat 15:00-da başlayacaq.
Qeyd edək ki, "Araz-Naxçıvan" qış fasiləsində daha bir yoxlama oyununda qüvvəsini sınayacaq. Komanda yanvarın 11-də "Səbail"lə üz-üzə gələcək.
Xatırladaq ki, "Araz-Naxçıvan" hazırda Misli Premyer Liqasının turnir cədvəlində 39 xalla 2-ci, "Sumqayıt" isə 20 xalla 6-cıdır.
Yoxlama oyunu
15:00. "Sumqayıt" - "Araz-Naxçıvan" - 2:2
Qollar: Nunu Rodriges, 1 (0:1), Casurbek Caloliddinov, 24 (1:1), Benni, 35 (1:2), Giorgi Karaişvili, 69-pen (2:2)
