Düyna Güləş Birliyinin prezidenti Nenad Laloviç Rusiya və Belarus güləşçilərinin beynəlxalq yarışlara buraxılmasına münasibət bildirib. Sport24.az xəbər verir ki, serbiyalı funksioner bunu barışıq məqsədilə etdiklərini söyləyib: “İdman tarix boyunca insanları bir-birinə yaxınlaşdırması ilə fərqlənib. Güləş də bir idman növü kimi müxtəlif mədəniyyətdən olan insanları bir yerə toplamaq üçün unikal vasitə olub. Güləş həm də dözümlülük rəmzidir. Bu potensialımızdan istifadə edib xalqlar arasında barışıq körpüsü qurmaq istədik”.
Xatırladaq ki, martın sonunda Beynəlxalq Olimpiya Komitəsinin tövsiyyə xarakterli bəyanatından sonra müxtəlif beynəlxalq idman təşkilatları Rusiya və Belarusdan olan atletləri yarışlara buraxmağa qərar verib. Buna Dünya Güləş Birliyi də biganə qalmayıb.
