Rusiya güləşçiləri bu il Belqradda keçiriləcək dünya çempionatında iştirak edə biləcəklər. Sport24.az xəbər verir ki, bu barədə Rusiya mətbuatı məlumat əldə edib.
Artıq şimal qonşularımız sentyabrın 16-da start götürəcək yarışa üçün hazırlıqlara başlamağı planlaşdırır. Buna baxmayaraq, rusiyalılar mundialda neytral statusla mübarizə aparacaq.
Bir müddət əvvəl isə Dünya Güləş Birliyi onların böyük yarışlarda çıxış edə biləcəyini bildirmişdi. Amma Rusiya güləşçilərinin məhz hansı yarışdan mübarizəyə qoşulacağı haqda heç bir məlumat verilməmişdi. Mundiala buraxılacağı halda, bu ölkənin güləşçilər Paris Olimpiadasına yollanmaq imkanı da qazanacaq.
