Azərbaycanın 19 yaşadək futzalçılardan ibarət millisi bu gün Avropa çempionatının əsas mərhələsində 2-ci oyununu keçirib. Sport24az xəbər verir ki, komanda Xorvatiya ilə qarşılaşıb.
Yığmamız son saniyələrdə məğlubiyyətdən qurtulub. Bu, Azərbaycan millisinin əsas mərhələdə qazandığı ilk xal olub.
Millimiz qrupda son oyununu martın 29-da Türkiyə yığmasına qarşı keçirəcək. Matç Bakı vaxtı ilə saat 19:00-da başlayacaq.
Qeyd edək ki, Azərbaycan yığması ötən gün Bosniya və Herseqovinaya 2:10 hesabı ilə uduzub.
20:00. Xorvatiya - Azərbaycan - 3:3
Qollar: Leon Ferençek, 2:48, 34:24, İvan Posaveç, 39:48 // Fariz Hüseynov, 6:56, Ədalət Ələkbərov, 16:11, 39:59
Qırmızı vərəqə: Hüseyn Abdulov, 26:02
Hakimlər: Liviu Dumitru Çita (Rumıniya), Filipa Prata (Portuqaliya), Rastislav Behancin (Slovakiya)
Omiş. Ribnjak İdman Sarayı.
