''Ferrari''nin sabiq pilotu Felipe Massa Frederik Vassyoru daha fəal olmağa və komandanı çətin durumdan çıxarmağa çağırıb. Sport24.az xəbər verir ki, daha öncə bir çox komandalarda işləmiş tanınmış fransalı mühəndis və menecer bu ilin əvvəlindən ''Ferrari''yə keçib.
İtaliya təmsilçisi hazırda konstruktorlar birinciliyində 122 xalla 4-cü pillədədi.
42 yaşlı braziliyalı Massanın fikrincə, "Ferrari" üçün çempionatda işlər gözlənildiyindən də çətin gedir: "Bəzi aspektləri mütləq yaxşılaşdırmaq lazımdı. Vassyorun işinin peşəkarı olduğunu bilirik. O, ''Alfa Romeo''da, eləcə də digər komandalarda hər zaman baş rollarda olub və uğur qazanmağı bacarıb. İndi isə onun özünü ''Ferrari''də göstərməsi lazımdı. Nəsə tədbir görmək və nəticə əldə etməyin tam zamanıdı. Əks təqdirdə işini itirə bilər. ''Ferrari''yə nəticə lazımdı. Bəzi şeylər mütləq dəyişməlidi''.
