Formula 1 üzrə sabiq dünya çempionu Deymon Hill Bəhreyn Qran-prisində “Aston Martin”in “Mersedes”dən daha yaxşı çıxış etməsinə münasibət bildirib. Sport24.az xəbər verir ki, o, Almaniya komandasının bu rəqibindən geridə qalmasıbnı anlamadığını söyləyib: “Aston Martin” ona bəslənilən ümidləri artıqlaması ilə doğrultdu. Doğrusu, onlar heç özləri də bunu gözləmirdi. Elə mən də onların belə çıxış edəcəyini gözləmirdim. “Aston Martin”in sahibi Lorens Stroll həmişə deyirdi ki, bu komandanın liderlərə yaxınlaşması üçün güclü mütəxəssisləri işə cəlb edəcək. 2021 və 2022-ci illərdə “Aston Martin” Müəhəndislər Kubokunda 7-ci yeri tutanda onun bu açıqlamalarına heç kim inanmadı. Amma Stroll komandasına belə mütəxəssisləri cəlb edib iş görə bidıi. Doğrudur, onun müəyyən konsepsiyaları “Red Bull”dan götürdüyü deyilir, amma bu elə də önəmli deyil. Ən böyük biabırçılıq “Mersedes”in “Aston Martin”dən geridə qalmasıdır. Bu “Mersedes” üçün təhqirdir. Zavod komandası öz müştərisinə uduzur. Təəcüblü deyil ki, “Mersedes”in rəhbəri Toto Volff ötən həftəki Bəhreynq Qran-prisini öz karyerasının ən pis yarışlarından biri adlandırıb”.
