Bəhreyn Qran-prisində karyerasında 99-cu dəfə fəxri kürsüyə yüksələn 41 yaşlı Fernando Alonso hazırda Maks Ferstappenlə birgə Formula 1 ictimaiyyətinin əsas müzakirə mövzularından biridi. Sport24.az xəbər verie ki, “Aston Martin” pilotunun yaş amilinə baxmayaraq möhtəşəm çıxışı sürət həvəskarlarını heyrətləndirməyə bilməz.
Elə sabiq Formula 1 üzvü Mark Uebber də onun haqqında müsbət fikirdədir. Avstraliyalı pilot ispaniyaılının 2024-cü ildən sonra da yarışa biləcəyini istisna etməyib: “İnsanlar eyni səviyyədə qocalmır, hərənin bir cür özəlliyi var. Alonso artıq 20 ildir ki, paddokdadır. Doğrudur, indi vəziyyət bir qədər fərqlidir, amma Fernandonun instinkti və yarış keyfiyyətləri dəyişməz olaraq qalıb. Alonso heç vaxt qələbə əzmini itirməyəcək. Əlbəttə, o, 2 ildən də artıq müddətdə “Kral avtoyarışları”nda mübarizə apara bilər. Fernandonun 44 yaşına qədər Formula 1-də qalacağını istisna etmək olmaz”.
