Koreyalı hücumçu Son Xın Minin "Los-Anceles"ə transferindən sonra "Tottenhem"in yeni kapitanı müəyyənləşib. Sport24.az xəbər verir ki, bu barədə klubun mətbuat xidməti məlumat yayıb.
London klubunun yeni baş məşqçisi Tomas Frank kapitan sarğısını müdafiəçi Kristian Romeroya vermək qərarına gəlib.
Qeyd edək ki, 27 yaşlı argentinalı 2022-ci ildən "Tottenhem"də çıxış edir və ötən mövsüm londonluların Avropa Liqasını qazanmasında pay sahiblərindən biri olaraq, turnirin ən yaxşı oyunçusu seçilib.
