Bu gün UEFA Konqresi keçirilib. Sport24.az xəbər verir ki, toplantıda Rusiya klublarının və milli komandasının beynəlxalq arenaya qayıtması ilə bağlı məsələ gündəmə gətirilib.
FIFA prezidenti Canni İnfantino mövzu ilə bağlı bunları deyib:
"Dünyamız parçalanıb, insanları bir araya gətirmək üçün hər fürsətdən istifadə etməliyik. Ukraynada sülhlə bağlı danışıqlar davam edir. Ümid edirəm ki, tezliklə yeni səhifə aça və Rusiyanı futbol dünyasına qaytara bilərik".
