Ötən mövsüm Çempionlar Liqasında UEFA-dan ən böyük məbləği (təxminən 139 milyon avro) Madrid "Real"ı alıb. Sport24.az xəbər verir ki, bu rəqəmin 14 milyonu televiziya yayım hüququ gəlirlərindən ibarətdir.
PSJ (122,4 milyon) ikinci, finalda çıxış edən Dortmund "Borussiya"sı (120 milyon) ilk üçlüyü tamamlayır.
"Mançester Siti" Çempionlar Liqasında iştiraka görə 110,5 milyon avro, UEFA Superkuboku matçına görə isə 4,5 milyon avro qazanıb. "Barselona" üçün bu rəqəm 98 milyon avro olub.
Həmin mövsüm öz qrupunda sonuncu yeri tutan "Mançester Yunayted" təxminən 61 milyon avro qazanıb. Çempionlar Liqasının əvvəlki püşkatmasında ən az pul qazanan komanda (22 milyon avrodan aşağı) "Antverpen" olub.
Avropa Liqasında mübarizə aparan komandalar arasında ən çox transfer gəliri əldə edən komanda finalda "Atalanta"ya uduzan "Bayer" olub (41,2 milyon avro). Berqamo komandasına təxminən 34 milyon avro ödənilib.
2023/24 mövsümündə avrokuboklarda paylanacaq mükafatların ümumi məbləği 2,2 milyard avronu keçib. Bu mövsüm yenilənmiş turnir formatı sayəsində turnirlərin sayı 25% artıb.
