"Qalatasaray" Aleksey Batrakovun transferi üçün Moskva "Lokomotiv"i ilə razılığa gəlib. Sport24.az xəbər verir ki, bu barədə "Fotomaç" qəzetinin və "A Spor" televiziya kanalının baş redaktoru Zeki Uzundurakan "X" sosial media hesabında paylaşım edib:
"Aleksey Batrakov "Qalatasaray"a keçib! "Qalatasaray" "Lokomotiv"lə 25 milyon avroluq transfer barədə razılığa gəlib. Batrakov "Qalatasaray"dan bonuslar da daxil olmaqla 3,5 milyon avro alacaq. Müqavilə dörd il müddətinə bağlanıb".
Qeyd edək ki, 21 yaşlı Batrakov "Lokomotiv"in yetirməsidir.
