PSJ-nin prezidenti Nasser Əl-Xelayfi "Qızıl top" mükafatının qalibi Usman Dembele ilə müqavilənin uzadılması məsələsinə aydınlıq gətirib. Sport24.az xəbər verir ki, o, bu barədə "RMC Sport" açıqlama verib:
"Klubun oyunçular üçün maaş limiti siyasəti var. Bunu hamı bilir və hamı buna əməl etməlidir.
Usman klubun əfsanəsidir. Mən Usmananı həm oyunçu, həm də insan kimi sevirəm. O, gözəl insandır".
Qeyd edək ki, bir müddət əvvəl mediada Dembelenin klubun müqavilənin uzadılması ilə bağlı ilkin təklifini rədd etdiyi xəbəri yayılmışdı. Hücumçunun maaşından narazı qaldığı bildirilir. PSJ Dembeleyə ildə 30 milyon avrodan bir qədər çox məvacib təklif etsə də, o, bundan ikiqat artığını tələb edib.
