Bakıda keçirilən FIFA U-15 Dünya Çempionatı və Festivalında AF qrupunun ilk matçı baş tutub. Sport24.az xəbər verir ki, Azərbaycan milli komandası Timor-Leste yığması ilə qarşılaşıb.
Tam üstünlüklə keçən görüşdə futbolçularımız rəqib qapısından 6 cavabsız top keçirərək darmadağına imza atıblar.
Yığmamızın heyətində Müşfiq Zamanov və Həsən Məmmədov dubla imza atıblar. Komandamızın digər qollarını isə Yusif Əlizadə və Asim Allahverdizadə vurub.
Qeydə alınan nəticə:
FIFA U-15 Dünya Çempionatı və Festivalı
AF qrupu
Azərbaycan U-15 – Timor-Leste U-15 6:0
Qollar: Müşfiq Zamanov, 11, 37, Yusif Əlizadə, 25, Həsən Məmmədov, 27, 28, Asim Allahverdizadə, 31 (pen.)
