Amerikanın MLS liqası transferlərə xərclənən pullarla yeni rekorda imza atıb. Sport24.az liqanın mətbuat xidmətinə istinadən xəbər verir ki, klublar 2025-ci ildə futbolçulara təxminən 336 milyon dollar xərcləyib.
Bu da MLS komandalarının 200 milyon dollar həddinə çatmadığı əvvəlki illərlə müqayisədə xeyli yüksəkdir. Əvvəlki rekord göstərici isə 188 milyon dollar təşkil edirdi (2024-cü ildə).
Qeyd edək ki, ABŞ klubları 2025-ci ildə dəyəri 10 milyon dollardan çox olan səkkiz transfer edib. Ən bahalı transfer Son Xın Minin 26,5 milyon qarşılığında "Tottenhem"dən "Los-Anceles"ə keçidi olub.